Мәктәп яны тәҗрибә участогында утырту эшләре башланып китте. Укучылар җирне тырмалап кишер, суган, чөгендер чәчтеләр.

Бүген мәктәптә зур тантана - мәктәбебезнең 100 еллыгына багышланган бәйрәм чарасы үтте. Кичәдә администрация вәкиле Г.Шакиров, ЗМР мәгариф идарәсе җитәкчесе Р.В.Афанасьева, мәгариф хезмәткәренең Зеленодол территориаль профсоюз оешмасы рәисе Н.Н.Копвиллем, Бөтендөнья татар конгрессы Яшел Үзән бүлеге җитәкчесе Ә.Х.Мирхәйдәрова, “Ак калфак” хатын-кызлар оешмасы җитәчесе Г.Р.Саттарова, мәктәптә эшләп чыккан укытучылар, хезмәткәрләр, мәктәпне тәмамлаган укучылар катнашты.

     Мәктәп  тарихына багышланган Ш.Тахири исемендәге музей ачылды.

    Чыгышлар концерт номерлары белән үрелеп барды. Мәктәпне тәмамлап чыккан укучылар үзләрен укыткан укытучыларга рәхмәт хисләрен белдерделәр.

Бүген 27 апрель көнне мәктәп территориясен җыештыру буенча өмә булып узды. Укытучылар, мәктәп хезмәткәрләре, укучылар бердәм булып өмәгә чыктылар. Алар тарафыннан зур эш башкарылды: мәктәп тирәсендәге бөтен территория чүп-чардан, коры үләннән чистартылды. Өмәдә катнашучылар мәктәп яны участогын, спорт мәйданын җыештырдылар. Иң мөhиме – балалар үзләре укыган мәктәпне бик теләп тәртипкә китерделәр.

   26 апрель көнне авыл китапханәсендә “Тукай-безнең күңеллеәрдә” дип аталган уен-викторина зерләнгән иде.Укучылар зур кызыксыну белән сорауларга җавап бирделәр, шигырьләр сөйләделәр, әкиятләрдән өзекләр күрсэттеләр. Ахырда традиция буенча гимнга әверелгән  “Туган тел” җырын хор белән бөтен мәктәп җырлады.

25 апрель көнне Казан шәhәрендә “Илhам” Бөтенроссия яшь язучылар бәйгесе булып узды. Рәсәйкүләм  уздырыла  торган  “Илһам”  конкурсы  яшь  шагыйрьләрне, язучыларны,  драматургларны  берләштерә торган  бәйге. Мондый  конкурсларны  уздыру беренчедән, халкыбызны  берләштерсә,  икенчедән, сәләтле  балаларга  юл  ача. Бу  бәхетне  безгә  дә, Ачасыр  мәктәбенә  дә , татырга  туры  килде. Ике  тапкыр  талпынып, өченче  талпынуда  зона  этабына  узарга  мөмкинлек  туды. Шиһабетдинова  Ләйлә  “Үз  әнием”  драмасы  белән  жюри  комиссиясе  алдында  имтихан  тотты. Дөрестән  дә, имтихан  булды  бу. Китаплар  уку, музейларга йөрү, театрларда  булу – болар  барысы  да  Ләйләгә үз  фикерен  дәлилләр  ярдәмендә  җиткерергә  ярдәм  итте. Афәрин, Ләйлә! Котлыйбыз! Киләчәктә дә  уңышлар  телибез!

   12 апрель көнне  Ачасыр мәктәбендә укучылар өчен “Космос ул-без!” дигән гомуми класс сәгате үткәрелде. Укучыларга презентация күрсәтелде, күрунекле космонавтлар буенча чыгышлар ясалды. Балалар космонавтика турында файдалы мәгълүматлар алдылар.

Казанда узачак эшче профессияләр чемпионаты уңаеннан башлангыч класс укучылары рәсемдә булса да прическа ясадылар. Әйе, яшь парикмахерлар өйрәнүне нәкъ шулай башлыйлар!

Бүгенге гомуми класс сәгате "WorldSkills Kazan 2019 дәресе" дип исемләнде. Дәрес август аенда Казан шәһәрендә узачак эшче профессияләр чемпионатын каршы алу уңаеннан оештырылды. Класс сәгатен 8-9 класс җитәкчеләре Шайхаттарова Э.Ш., Гафиятуллина Ә.Г. укучыларга кызыклы һәм файдалы итеп уздырдылар.

"WorldSkills Kazan 2019 дәресе" башлангыч класс укучылары белән дә күңелле оештырылды. Алар эшче профессияләр турында гына сөйләшеп калмыйча, дәресне төрле кызыклы уеннар белән дә, табышмакларга җавап бирү белән дә дәресне үтемле иттеләр. Укучылар Чемпионатның Гимнын да тыңладылар!

Бүген мәктәбебездә "Мин авылның гади бер мөгаллиме" дип исемләнгән II Ачасыр мәктәбе укучыларының Ш.Таһири исемендәге конференциясе узды. Укучылар авылда яшәүче ветеран укытучыларның мөгаллимлек, остазлык еллары турында чыгышлар ясады. Хөрмәтле укытучыларыбыз үзләре дә әлеге чарада катнашты. Конференция ахырында кунакларыбызга чәчәкләр тапшырылды.