Казанда узачак эшче профессияләр чемпионаты уңаеннан башлангыч класс укучылары рәсемдә булса да прическа ясадылар. Әйе, яшь парикмахерлар өйрәнүне нәкъ шулай башлыйлар!

Бүгенге гомуми класс сәгате "WorldSkills Kazan 2019 дәресе" дип исемләнде. Дәрес август аенда Казан шәһәрендә узачак эшче профессияләр чемпионатын каршы алу уңаеннан оештырылды. Класс сәгатен 8-9 класс җитәкчеләре Шайхаттарова Э.Ш., Гафиятуллина Ә.Г. укучыларга кызыклы һәм файдалы итеп уздырдылар.

"WorldSkills Kazan 2019 дәресе" башлангыч класс укучылары белән дә күңелле оештырылды. Алар эшче профессияләр турында гына сөйләшеп калмыйча, дәресне төрле кызыклы уеннар белән дә, табышмакларга җавап бирү белән дә дәресне үтемле иттеләр. Укучылар Чемпионатның Гимнын да тыңладылар!

Бүген мәктәбебездә "Мин авылның гади бер мөгаллиме" дип исемләнгән II Ачасыр мәктәбе укучыларының Ш.Таһири исемендәге конференциясе узды. Укучылар авылда яшәүче ветеран укытучыларның мөгаллимлек, остазлык еллары турында чыгышлар ясады. Хөрмәтле укытучыларыбыз үзләре дә әлеге чарада катнашты. Конференция ахырында кунакларыбызга чәчәкләр тапшырылды.

Хөрмәтле хатын-кыз укытучыларыбыз!

Менә килеп җитте тагын
Кояшлы ямьле язлар.
Бәйрәм тантанасын тоеп,
Шатлана хатын-кызлар.
Сигезенче март көнне
Хатын-кызлар бәйрәме.
Кызларга бүләк итәбез
Гөлчәчәкләр бәйләмен.
Хөрмәтле укытучылар!
Бәйрәм белән котлыйбыз.
Сезгә бәхет, сәламәтлек,
Озын гомер телибез.
Сезгә вәгъдә бирәбез
Гел тырышып укырга.
Тәртипле, тыныч, уңган
Һәм ярдәмчел булырга

Иң изге теләкләр белән укучыларыгыз!

Бүген беренче класс укучылары өчен Әлифба бәйрәме узды. Укытучылары Замалиева Ф.Г. 2 генә бөртек укучы булса да, кызыклы итеп оештырган иде чараны. Бәйрәмдә катнашкан укытучылар да, әти-әниләр дә беренчеләргә үзләренең матур теләкләрен җиткерделәр.

Атналык кысаларында биология укытучысы Мухаметзянова Р.Р. 8-9 класс укучылары өчен "Кеше скелеты" буенча уен-ярыш оештырды. Сораулар бик җиңелләрдән булмаса да укучылар бар көчләрен куеп ярышты. Биология фәненнән имтиханнарга әзерлекне дә күпмедер дәрәҗәдә күрсәтте бу чара. 

1 март - Менделеев таблицасы туган көне. Шул уңайдан мәктәптә "Периодик таблица буенча сәяхәт" дип аталган квест уен оештырылды. 8-9 класс укучылары 3 командага бүленеп әлеге ярышта үз көчләрен сынады.

Бүген мәктәпнең "Юнармия" отряды присяга тапшырып, официаль рәвештә таныклык һәм күкрәк билгесе алды. Тантанада Зеленодол районының ЮНАРМИЯ бүлеге башлыгы Братухин В.В. катнашты. Отряд җитәкчесе ТИН укытучысы Гатауллин Л.И. укучылар белән әзерләгән строй күнегүләрен күрсәтте. Шәһәрдән килгән җитәкче укчыларга үзенең теләкләрен җиткереп, инде алга таба ЮНАРМИЯ юнәлешендә оештырылачак район һәм республика чарларында катнашу хокугына ия булуларын әйтте. Котлыйбыз!

ЮНЕСКО 2019 елны Халыкара Периодик таблица елы буларак игълан итте. Атналык кысаларында бүгенге гомуми класс сәгате әлеге темага багышланды. 8-9 класс укучыларының да чыгышлары бик кызыклы булды.