Мәктәбебезнең өлкән сыйныфларында парламент дәресләре үздырылды. Укучыларга презентацияләр күрсәтелде, укучылар үзләрен кызыксындырган сорауларга җаваплар тыңладылар, фикер алыштылар.

Укытучы: Адиятуллина Альбина.

Бүген мәктәбебездә "Тау ягындагы кайбер татар авыллары тарихы"на багышланган китапны тәкъдим итү кичәсе булды. Бу кичәдә бик күп күренекле шәхесләр катнашты: Г. Тукай исемендәге Дәүләт премиясе лауреаты, рәссам Надир Әлмеев, "Ак калфак" Республика иҗтимагый оешмасы татар хатын - кызларының Яшел Үзән бүлекчәсе җитәкчесе Гөлинә Саттарова, ТР Фәннәр академиясе Татар энциклопедиясе һәм төбәкне өйрәнү институтының әйдәп баручы фәнни хезмәткәре, техник фәннәр кандидаты Рафикъ Сәлахиев, ТР Фәннәр академиясе Ш.Мәрҗәни исемендәге Тарих институтының фәнни хезмәткәрләре - Э.К.Сәлахова,  Х.З.Баһаветдинова, А.М.Гайнетдинов һәм тирә - як авыллардан да кунаклар килде: авыл җирлеге башлыклары, Имам - хатыйблары, ветеран укытучылар һ.б. Кичә бик матур, күңелле узды. Барлык катнашучыларга да зур рәхмәт.

Без ел саен мәктәптә чәчәк,помидор үстерәбез. Моның өчен иртә яздан аларның орлыкларын чәчеп, аларга су сибеп, тәрбияләп торабыз.  

Бүген мәктәбебездә "Үлемсез полк" акциясе узды. Әлеге чарада  Бөек Ватан сугышы ветераннарының балалалары, оныклары, оныкчыклары катнашты. Алар әби-бабайларының фотоларын күтәреп авыл буйлап горур атлады...

Администрация.
 

9 нчы Май - Җиңү бәйрәме. Бөек Ватан сугышы тәмамлануга быел 74 ел тула.

Еллар узган саен без Бөек Җиңүнең олуг әһәмиятен, рухи дәвамчанлыгын ачыграк аңлый барабыз. Бу изге көндә без сугышта каһарманнарча көрәшкән, хезмәттә тиңдәшсез фидакарьлек күрсәткән, Ватанын өзелеп сөйгән данлы буын вәкиленә чиксез рәхмәтебезне белдерәбез.
9 май - ул өлкән буынның кан-күз яшьләре, ачлык-ялангачлык аша табылган, үтә кыйммәткә төшкән Җиңү көне. Бу сагышлы бәйрәм, яшь аралаш сөенә торган көн. Без, бүгенге буын, Бөек Җиңү көнен якынайткан ватандашларыбызны һичкайчан онытмаска, һәлак булганнарны данга күмәргә, исәннәр турында һәрчак кайгыртырга тиеш.
Күпме кайгы-хәсрәт кичергән җиребезгә бүтән беркайчан да сугыш афәте килмәсен иде. Балаларыбыз һәм оныкларыбыз сугышның үзәк өзгеч фаҗигасен беркайчан да белмәсен, ә аналарыбыз, хатын-кызларыбыз, апа-сеңелләребез беркайчан да якыннарын югалту кайгысыннан күз яшьләрен түкмәсен иде! Сезнең һәркайсыгызга саулык, сәламәтлек, иминлек, гаиләләрегезгә, җиребезгә тынычлык телибез.

Тыл ветераннарын һәм сугыш чоры балаларын Акъегет җирле үзидарә башлыгы Алена Владимировна Хайруллина Бөек Җиңү  көне белән котлады.. Шулай ук мәктәбебез директоры Ләйлә Равил кызы Гаязиева  бәйрәмгә килгән хөрмәтле кунакларыбызны Җиңү көне белән котлады. Бәйрәм концертын  караганнан соң кунакларыбыз чәй табанына рәхим иттеләр. 

Бүген 7 - 9 нчы сыйныф укучылары белән тормыш иминлеге нигезләре буенча Бөтенроссия ачык дәресе уздырылды. Укытучы укучыларга  пожар куркынычсызлыгы турында сөйләде, презентацияләр күрсәтте һәм караганнар буенча үзара фикер алыштылар.

Укытучы: Набиуллин Д.Г.

Тормыш иминлеге нигезләре буенча башлангыч сыйныфларда Бөтенроссия ачык дәресе уздырылды. Укытучы укучыларга су буйларында, урманда  үз - үзләрен ничек тотарга кирәклеге турында сөйләде, рәсемнәр күрсәтелде. Рәсемнәр буенча укучылар белән фикер алышу булды.

Укытучы: Зиганшина Г.Г.

Бүген мәктәбебез сәхнәсендә 7 нче сыйныф укучылары 2019 нчы ел - театр елы уңаеннан Зөлфәт Хәкимнең "Сәер кыз" драмасыннан өзек күрсәттеләр. Алар рольләрне бик оста башкардылар. Укучыларга уңышлар телибез.

Укытучы: Закирова Д.М.

Яз һәм хезмәт бәйрәме белән иң җылы һәм йөрәктән чыккан котлауларны кабул итегез! 1 Май – илебез байлыгын булдыруда хезмәт иткән бөтен кешеләр бәйрәме. Көн саен үзенең хезмәте белән ватанын һәм гаиләсен чәчәк аттыручы бөтенхалык бәйрәме. Аны барлык буыннар да ярата һәм ул дөрестәндә халыкныкы санала. Вакыт аны яңа эчтәлек белән тулыландыра. Өлкән буын өчен 1 Май элеккечә пролетар бердәмлекне гәүдәләндерә, ә яшьләр өчен–табигать һәм кешелек көчен тудырган язгы чәчәк ату чоры. Барыгызны да яшел чирәмнәре шытып чыккан, каеннары яфрак ярган, умырзаялары чәчкә аткан яз бәйрәме – Беренче май белән котлыйбыз. Язның сулышы, дәрте, илаһи мәгънәсе күңелегезгә нур өстәсен. Язның ягымлыгы күзләрегезгә кунсын, бәхет кояшы көннән-көн яктыра барсын, йөрәгегез хискә тулсын, һәрвакыт яшь булсын. Гомерегез дә яз көне кебек якты, кояшлы, аяз күкле, нурлы булсын.
 

Администрация.