МБОУ Каракашлинская ООШ принимает активное участие в общенародном голосовании за символ для новых банкнот номиналом в 200 и 2000 рублей. ученики 6-7 классов провели флешмоб "Голосуй за Казань!"

Бүген башлангыч сыйныф укучыларына туган якны өйрәнү музеенда тантаналы рәвештә мәдәни көндәлекләр тапшырылды.Музей хезмәткәрләре,авыл китапханәсе мөдире,мәктәп директоры балаларга уңышлар теләде. Укучыларда көндәлекләр зур кызыксыну уятты.

Бүген 9 нчы сыйныф укучылары  дәресләр биреп үзләрен остазлары урынында хис иттеләр. 

Мәктәбебез район күләм көзге чәчәкләр конкурсында катнашты.

Укытучы,якты кояш кебек,

Күңелемне назлап җылыта.

Авыр чакта ярдәм кулын суза,

Сабыр сүзе белән юата.

 Бүген өлкән сыйныф укучылары үзләренең яраткан укытучыларын хөнәри бәйрәмнәре белән котладылар,матур  теләкләрен җиткерделәр.

Бүген безнең мәктәп коллективы  өлкәннәр көне уңаеннан үткәрелгән район күләм көзге ярминкәдә катнашып мәктәп бакчасында үскән яшелчәләрне уңышлы гына сатуга иреште.

Бүген 2 нче сыйныф укучыларын эзтабарлар сафына,ә 5 нче сыйныф укучыларын варисларга кабул итү бәйрәме булды.Бәйрәмдә укучылар Алмаш балалар оешмасының максатлары белән таныштылар, яхшы эзтабар  һәм варис булу өчен кагыйдәләрне яттан сөйләделәр,иптәшләре һәм дружина каршында тантаналы вәгъдә бирделәр.Бәйрәм  котлаулар белән тәмамланды.

Бүген 5-6 нчы сыйныф укучылары өлкән буын вәкиле Яркаева Алина Камил кызы  белән сыйныф сәгатендә очраштылар.Сыйныф сәгатен Марданова Зөлфия Әнфәс кызы әзерләде һәм үткәрде. Бергәләп татар әдәбиятына,җырлар,шигырьләр дөньясына сәяхәт ясадылар һәм Алина  Камил кызын якынлашып килүче өлкәннәр көне белән тәбрик иттеләр.

Бүген мәктәбебездә 7-9 нчы сыйныфларда "Ак яулыклы әбием"дип исемләнгән сыйныф сәгате үтте.Сыйныф сәгатендә хезмәт ветераны Фаррахова Рәсимә Инсаф кызы катнашты.Сыйныф сәгатен Карамова Гөлназ Миннегаяз кызы әзерләде һәм үтткәрде. Укучылар яшь буынны тәрбияләүдә өлкән буын вәкиленнән киңәшләр тыңладылар,кызыксындырган сорауларын бирделәр,үзләренең әби,бабалары турында истәлекләр белән уртаклаштылар.

Бүген мәктәбебездә өлкән буын вәкилләрен хөрмәтләү,искә алу, көне үтте.Укучылар аларга үзләренең рәхмәтләрен матур сүзләр,теләкләр,күңелле җырлар аша җиткерде.Бәйрәм чәй табыны артыннда дәвам итте.