Мәктәп һәм балалар бакчасының дәвамлылыгы кысаларында бүген безнең балалар бакчасына кунакка Рөстәм Яхин исемендәге 3нче номерлы балалар музыка мәктәбе укучылары килде. Безнең балаларга  алар бик матур, эчтәлекле концерт тәкъдим иттеләр. Әлеге чара өчен мәктәп укытучыларына һәм укучыларга зур рәхмәтебезне белдерәбез һәм киләсе очрашуларны көтеп калабыз.

Бакчабызда музей эшчәнлеге алып барыла. Музей темалары даими алышынып тора. Көз айларының темасы балалар бакчаларына багышланды. Балаларга элекке балалар бакчалары турында күзаллау бирелде, алар элекке уенчыклар белән таныштылар.

3нче декабрь – Халыкара инвалидлар көне буларак билгеләп үтелә. Безнең балалар бакчасында да әлеге көн уңаеннан чаралар узды. Әлеге чараларның максаты: балаларда мөмкинлекләре чикле кешеләргә карата кешелекле мөнәсәбәт, игелек, кайгыртучанлык, ярдәмчеллек тәрбияләү.

Тәрбиячебез Галимзянова Зөхрә Фанисовна туган телдә тәрбия һәм белем бирүче тәрбиячеләр арасында оештырылган, Татарстан республикасы территориясендә яшәүче халыкларның туган телләрен саклауга һәм үстерүгә юнәлдерелгән проектларны тормышка ашыруга багышланган республика бәйгесендә җиңүче булды. Чын күңелдән котлыйбыз аны һәм киләчәктә дә уңышлар теләп калабыз.

Бакчабызда әти-әниләр белән берлектә  "Көзге мизгелләр" иҗат бәйгесе узды. Бәйгенең максаты: балаларның иҗат эшчәнлеген үстерү һәм ата-аналарны бакча тормышына якынайту. 

4нче ноябрь - Халыклар бердәмлеге көне. Ул көн безне бердәм булырга, ата-бабаларыбызның каһарманлыгын хөрмәт итәргә өйрәтә. Бүген бакчабызда әлеге дата уңаеннан балалар белән төрле чаралар узды: әңгәмәләр, матур әдәбият уку, шулай ук иҗади эшчәнлек.

Балалар бакчасында көзге күңел ачулар узды. Балалар янына кунакка көз кызы Сөмбелә, елак Көз, шаян Кулчатыр һәм башка кунаклар килде. Алар бергәләшеп җырлап, биеп, уеннар уйнап күңел ачтылар. Сөмбелә балаларны көз күчтәнәчләре белән сыйлады.

Бүген мәктәпкә әзерлек төркемнәрендә көзге ярминкә узды. Балалар көзгә багышлап җырлар җырлап, шигырьләр сөйләп, биеп күңел ачтылар. Шулай ук күңелле уеннар да оештырылды.