Сәнәгать оешмалары, мәгариф системасында эшләүче җитәкчеләр, эшмәкәрләр һ.б. кадрлар эзләү мәсьәләсен күтәреп чыктылар.Бүгенге көндә күп кенә өлкәләрдә, шул исәптән, мәктәп-бакчаларда педагоглар җитмәү, беркем өчен дә сер түгел.Сәбәбе нидә? Әлеге вәзгыятьне хәл итүнең нинди юллары бар? Үз эшенең остасы булган хезмәткәрләрне ничек әзерләргә? Форумда чыгыш ясаучылар шул сорауларга җавап эзләделәр.
 Үзебезнең бакчабыз мисалында әлеге мәсьәлә белән, шулай ук танышбыз.Яшь белгечләр, укып бетергәннән соң, мәктәп-бакчаларга барырга ашкынып тормый. Шулай да безнең үзебезнең даими эшләүче тәҗрибәле хезмәткәрләребез бар.Алар белән беррәттән, әле мәгариф тармагында беренче адымнарын гына ясаучы белгечләребез дә эшли.
Кадрлар белән бәйле шундый вәзгыятьтә безнең белән бергә булган, белем бирү системасына тугры булып калган коллективыбызга рәхмәтлебез.