Бу юлы тамашаны бакчабызга килеп күрсәттеләр! Бездә кунакта Габдулла Кариев исемендәге Казан татар дәүләт яшь тамашачы театры булды. http://karievteatr.ru ⠀ «Әлифба: Хәрефләр дөньясында» спектаклен үз күзләребез белән күрү бәхетенә ирештек.⠀Әлифбадагы хәрефләр, без аларны елдан-ел азрак кулланганга, үпкәләп, качып киткән. Тамаша дәвамында артистлар, балалар белән бергә югалган хәрефләрне эзләделәр.⠀ Балалар үзләре дә актив тамашачылар булдылар: татар хәрефләренә башланган сүзләрне табарга, милли ризыклар, бәйрәмнәрне искә төшерергә, табышмаклар чишәргә булыштылар.⠀ Һәркем өчен дә мавыктыргыч спектакль булды! Кариев театрына рәхмәт! Иҗади уңышлар, яңадан-яңа үрләр яуларга язсын сезгә!⠀