Ничәнче ел рәттән, шушы көнне, ата-аналар, килгән кунаклар һәм балалар катнашында бәйрәм чарасы үткәрәбез! Безнең бакчабызның матур бер гадәтенә әйләнде ул!⠀ ⠀ Быел да шулай җыелышып, бәйрәм флешмобын үткәрдек.Чакырылган кунагыбыз шагыйрә, популяр җырлар авторы - Эльвира Сафина иде.⠀ Бәйрәм чарасын балаларның һәм ата-аналарның чыгышлары бизәде. Ахырда барыбыз бергә "Туган тел" не җырладык.⠀ Тууга туган телдә бишек җырлары тыңлап үскән, "әти-әни",-дип теле ачылган баланың милләтен, гореф-гадәтләрен яратачагына шик юк. Туган телдә китаплар укып, яшьтәшләре белән дә туган телдә аралашкан буын тәрбияли алсак, туган телебез озак еллар яшәр һәм буыннан буынга тапшырылыр! ⠀ Үзебездән тора барсы да!  Бүгенге бәйрәм иртәсен безнең белән үткәргән һәркемгә дә рәхмәт!