Балаларны халкыбыз тарихы, гореф-гадәтләре, бәйрәмнәребез үзенчәлекләре белән таныштыру мөһим. Тарих белән таныштыру, иң беренче чиратта, гаиләдә, нәсел белән таныштырудан башлана. Бакчабызда Алимәнең бабасы - профессор, психология фәннәре докторы Алишев Булат Сәлам улы кунак булды.

Булат Сәлам улы үзләренең гаиләсенең күренекле кешеләре белән таныштырды. Аларның нәселләре язучы Абдулла Алишка барып тоташа. Бабалары күп кенә күренекле татар шәхесләре белән аралашкан. Моңа дәлил булып, фотолар сакланган. Биредә Гаяз Исхакыйны да күрергә була. Булат Сәлам улы белән очрашуыбыз җылы, эчтәлекле атмосферада узды. Ахырда балаларга истәлеккә китаплар да өләшенде. Нәселебезне, үткәннәребезне онытмасак иде! Һәрберебез уникаль, кабатланмас! Һәрберебезнең дә киләчәк буынга мирас итеп калдырырлык эш-гамәлләре булса иде!