"Тормыш иминлеге фәнни үзәге" Дәүләт бюджет учреждениесе үткәргән бәйгедә, хезмәттәшебез Камилә Ринатовна алдынгы урынга лаек булды! Катнашучылар, юл хәрәкәте иминлеге темасын яктырткан фәнни-тикшеренү эшләрен тәкъдим итәргә тиешләр иде. Камилә Ринатовна тәкъдим иткән материалның асылы - мәктәпкәчә яшьтәге балаларга юл хәрәкәте кагыйдәләрен өйрәнү өчен өстәмә шөгыль (занятие) вакытлары булдыру. Тәрбия һәм белем бирү программасында юл хәрәкәте кагыйдәләрен өйрәнүгә игътибар бирелә. Шулай да, анда каралган сәгатьләр эчендә генә, әлеге зур теманы колачлап бетереп булмый. Мәсьәләне хәл итү максатыннан, балалар бакчаларында, ПДД өйрәнү өчен, программага кертелгән материалдан кала, өстәмә мәгълүмат үзләштерергә мөмкинлек тудыручы белем бирү сәгатьләре каралса яхшы булыр иде. Камилә Ринатовнаның, фәнни-тикшеренү эше, өч этапта бәяләнеп, нәтиҗә чыгарылганнан соң, 3 урынга лаек дип табылды. Яшь коллегабызны уңышы белән котлыйбыз! Алга таба да яңа үрләр яулавын телибез!