Бакчабыз экологияне саклауга карата күп төрле эшчәнлек алып барганлыгы хакында язып торабыз. Дүшәмбе көнне шундый чараларның берсендә катнаштык!⠀ ⠀

14 ноябрь көнне Милли китапханәдә экологиягә кагылышлы дискуссия узды. "Хәзер экология хакында кем кайгырта һәм ни өчен бу бик мөһим" темасы яктыртылды. Чара Бөтендөнья көнкүреш калдыкларын эшкәртү көненә багышланган иде. Экспертлар түбәндәге сорауларга тукталдылар:⠀ - жәмгыятьтә экогадәтләр булдыру юллары; табигатькә карата сакчыл караш булдыруның актуальлеге;  аңлы куллану һ.б. 17:00 - 20:00 аралыгында остаханә эшләде. Биредә эшкәртелгән пластик бөкеләрдән сувенир ясап, үзең белән алып кайтып китәргә мөмкин иде. Экологияне кайгыртучылар сафы тулылана бара. Әлеге тема белән бакчага йөрүче балаларны да таныштыру, алга таба аңлы кулланучылар буынын үстерүгә нигез булуына ышанабыз!⠀ Әлбәттә үз үрнәгебезне күрсәтү дә мөһим! Балалар һәр нәрсәне күреп, белеп, үзләштереп баралар! Уңай үрнәк күрсәтик аларга!⠀