ВСТУПАЙ В АРМИЮ ПОБЕДЫ!

Педагогик эшчәнлектәге казанышлары өчен иң яхшы укытучыларга премия бирү конкурсы кысаларында җиңүче хөрмәтле коллегабыз Гильмиева Гөлназ Гаптельзаветовнаны котлыйбыз! Гөлназ Заветовна өченче тапкыр әлеге бәйгедә җиңү яулый һәм лаеклы рәвештә Республиканың иң яхшы укытучылар исемлеген җитәкли. Киләчәктә дә Сезгә югары уңышларга ирешүегезне теләп калабыз!

Бүген Туган телләр буенча уздырылган Төньяк- Көнчыгыш  Бөтенроссия олимпиадасы җиңүчеләрен котлау тантанасы булды. Әлеге олимпиада Россия Мәгариф министрлыгы тарафыннан расланган олимпиадалар исемлегендә. Укучыларыбыз Исхаков Әмирхан, Фатихова Миләүшә, Шагалеева Анелияне Һәм аларның укытучылары Нурмиева Гөлгенә Вазыховнаны, Абдульманова Наза Абдулхаковнаны чын күңелдән котлыйбыз. Аларга алга таба да уңышлар теләп калабыз. Укучыларыбызга  җиңүче медальләрен ТР Рәисе каршындагы Туган телләрне үстерү комиссиясе рәисе Марат Әхмәтов, ИФМК директоры Рәдиф Җамалетдинов тапшырды.

10 нчы июнь көнне тантаналы рәвештә Россия көне билгеләп үтелде. Укучылар шул уңайдан бәйрәм чарасында катнаштылар, гимнны һәм "Пусть всегда будет солнце" җырын җырладылар, биеделәр. Акбурлар белән патриотик рәсемнәр ясадылар. Шулай ук, Ватаныбыз турында белгән мәгълүматларны ныгыту максатыннан квиз уйнадылар.

7 нче июнь көнне лагерьга йөрүче балаларга Мәдәният институты студент-практикантлары Ренат Ибраһимов турында кызыклы чыгыш әзерләп килделәр. Укучылар җырчының танылган җырларын тыңладылар.  Аннан соң саф һавада "Веселые старты" уенын уйнадылар, барлык укучылар да канәгать калдылар. Шулай ук, балалар файдалы казылмалар, аларның төрләре турында әңгәмә кордылар, мәгълүматлар алдылар.

6 нчы июнь көнне лагерь укучыларына татар халкының милли бәйрәме Сабантуй үткәрелде. Балалар рәхәтләнеп күңел ачтылар, чүлмәк вату, капчык киеп сикерү кебек уеннарын уйнадылар. Иң ахырдан, 
"Дуслык" әйлән-бәйләнен биеделәр, төрле бүләкләр оттылар. Шулай ук, балалар А. С. Пушкинның туган көнен билгеләп үттеләр, шул уңайдан мультфильм карадылар, язучының әкиятләре буенча квиз уйнадылар.

5 июнь көнне балаларга "Великие русские ученые и их открытия" исеме астында студент-практикантлар танылган галимнәр, аларның фән өлкәсендәге казанышлары, ачышлары хакында кызыклы әңгәмә алып бардылар. Укучылар алынган мәгълүматлар нигезендә "Эврика! " уенын уйнадылар. Аннан соң, балалар пластилиннан төрле  фигуркалар ясадылар, рәсемнәр ясадылар һәм өстәл уеннарын уйнадылар.

4 июнь көнне студент- практикантлар "Танцуем вместе" программасы нигезендә укучыларга төрле халыкларның милли биюләре турында кызыклы мәгълүмат җиткерделәр, "Казачок", Чачача",  "Полька" көйләре ритмында биюләр өйрәттеләр. Шулай ук лагерьга йөрүче балалар китапханәдә кунакта булдылар, аларга А.С. Пушкинның тормыш юлы, иҗаты сөйләнде, аннан  соң викторинада катнаштылар, төрле бүләкләр оттылар.

Гимназия базасында  оештырылган лагерь 4 нче көнен уңышлы гына эшли. Укучылар лагерьда "Россия бөркетләре " программасын тормышка ашыралар. Буген телдән халык иҗаты белән таныштылар. Отрядларда Театр сәгатьләре узды.

27 нче май көнне гимназиядә "Жемчужина - Энҗе бөртекләре " җәйге ял лагере эшли башлады. Быелгы лагерь "Россия бөркетләре" программасы буенча эшен башлап җибәрде. Ачылу тантанасы Россия, Татарстан гимны башкарылу, флаг кутәру белән башланып китте. Җыр-бию, төрле уеннар балаларны бер коллектив итеп туплады.