Бүген гимназиябездә чыгарылыш кичәсе узды. Кешенең тормышы чыгарылыш кичәләреннән тора. Башта балалар бакчасы, аннары мәктәп, югары уку йорты... Һәркайсы кеше тормышында аерым бер этап, аерым бер тормыш мизгеле. Балалар тормышында бу зур бәйрәм гомергә хәтердә калыр, мөгаен. Чыгарылыш кичәсе... Бу бәйрәм моңсу да, күңелле дә. Хәер, күңелсезләнеп утырыр чак түгел. Алда зур юллар көтә. Без укучыларыбызга якты юллар теләп калыйк. Тормышларындагы һәр чыгарылыш кичәсе үз вакытында булсын. Һәм һәрвакыт якты, күңелле һәм бәхетле узсын!

19 июнь көнне лагерьда «Күңелле стартлар»спорт чаралары узды. Әлеге мавыктыргыч ярышның барлык этаплары да киеренке көрәштә узды. Җанатарлар һәм тамашачылар вакыйгалар барышын күзәттеләр һәм командалары өчен борчылдылар. Бу көнне балалар күңел күтәренкелеге һәм яхшы кәеф алдылар.

18 июнь көнне балалар Г. Камал исемендәге театрда булдылар. Анда "Җан кисәккәем" дигән спектаклен карадылар. Укучыларга спектакль бик ошады.

Мәктәп лагерында "Сабантуй"бәйрәме узды. Илебезнең күп кенә халыкларының яраткан бәйрәме-борынгы һәм яңа бәйрәм. Бу бәйрәмдә халыкның матур гореф-гадәтләре, җырлары, биюләре берләшкән. Балалар "Капчык киеп йөгерү", "Кашыкка йомырка салып йөгерү", "Аркан тартышу", "Чүлмәккә эләгү " һәм башка кызыклы уеннар уйнадылар.

Лагерь үз эшчәнлеген дәвам итә. Укучылар вакытларын бик кызыклы һәм файдалы үткәрәләр. Бүген исә көнебез балаларга экологик тәрбия бирүгә багышланган иде. Укучылар квестта, төрле конкурсларда катнаштылар, берсеннән-берсе матур рәсемнәр ясадылар.

15 июнь көнне лагерьда «Әбием сандыгы»фольклор лабораториясе узды. Балалар татар халкының гореф-гадәтләрен искә төшерделәр, җырладылар, биеделәр. Төштән соң тәрбиячеләр «Дан минуты» шоу-программасын үткәрделәр. Балалар әлеге тамашада бик теләп катнаштылар, үзләренең талантларын күрсәттеләр. Көн бик күңелле үтте.

Бүгенге көн лагерьда Россия көненә багышланган иде. Тәрбиячеләр балалар белән «Тарих битләре буйлап сәяхәт» , « Туган ягым , яраткан ягым», «Без тормышны сайлыйбыз!» дигән темаларына танып-белү уены, әңгәмәләр, рәсем ясау конкурсларын үткәрделәр.

10 июньдә лагерьга кунакка планетарий килде. Балалар чын космонавтлар ролендә булдылар, космос турында бик күп яңа һәм кызыклы мәгълүмат белделәр. Планетарийдан соң укучылар асфальтта рәсем ясау конкурсында катнаштылар. Көннең икенче яртысында тәрбиячеләр "Лагерьның мистеры һәм миссы-2021"дигән чара үткәрделәр. Ярыш барышында Гарифуллина Азалия һәм Гыйләҗев Булат җиңделәр. Аларны чын күңелдән котлыйбыз!

7нче июнь көнне лагерь балалары Болак театрында булдылар. Анда балалар да чарада катнаштылар, үзләрен чын артистлар итеп хис иттеләр. Театрдан соң тәрбиячеләр әкиятләр буенча КВН, «Без бөек илнең тату балалары» дип исемләнгән рәсем конкурсы үткәрделәр. Шулай ук А.С. Пушкинның туган көненә багышланган нәфис сүз осталары бәйгесе узды. Көннең икенче яртысында саф һавада хәрәкәтчән халык уеннары үткәрелде.

4 нче июньдә балалар Казанның "Замбези елгасы" зооботаника бакчасына бардылар. Биредә алар төрле хайваннар, рептилияләр һәм кошлар күрделәр, уен мәйданчыгында да вакыт үткәрделәр. Зоопарктан соң «Без сәламәт яшәү рәвеше өчен "дигән спартакиадас узды. Көн бик кызыклы һәм мавыктыргыч үтте.