Гимназиядә бу атнадан сәламәтлек проектлары старт алачак. Сәламәтлеккә багышланган төрле чаралар уздыру, гамәли эшләр башкару гимназиябездә инде күптәннән гадәткә кергән күренеш. Традициягә әверелгән әлеге проектны хуплап, укучыларның сыйныф укытучылары белән берлектә башкарган сәламәтлек турындагы фәнни-гамәли хезмәтләрен тәкъдим итү утырышлары башланачак. Әлеге проектның максаты – балалар шәхесенең төрле яклап үсешенә ярдәм итү, кешенең яшәү рәвеше турында белемнәрен ныгыту, балаларны сәламәтләндерү чараларына һәм спортка тарту, сәламәтлекне сакларга өйрәтү.