22нче декабрь көнне гимназиянең спорт залында 5-7 сыйныфлар арасында физик тәрбия укытучылары тарафыннан оештырылган спортка кагылышлы күрсәтмә чыгышлар чарасы булып узды.Чыгышларны бәяләр өчен жюри әгъзалары сайланды, гадел жюри, үз чиратында, барлыгы 20 чыгыш карап, һәр чыгышны 3тән алып 7гә кадәр булган балл белән бәяләде. Нәтиҗәләргә килгәндә, чыгышларда берәмләп чыгыш ясаучыларга – аерым, күмәк чыгыш ясаучыларга – аерым урыннар билгеләнде. Шулай итеп, I урынга 5нче “Б” сыйныфы укучысы – Зиннатова Г., II урынга 7нче “Б” сыйныфы укучысы – Игламова Р., III урынга 5нче “Б” сыйныфы укучысы – Дәүләтшин Г. лаек булды. Күмәк чыгышлар арасында гадел хөкем түбәндәгечә хәл ителде: 7”Б” сыйныфы укчылары - I урынга, 6 “В” сыйныфы – II урынга, 5 “Б” сыйныфы – III урынга чыкты. Ахыр килеп, укучыларга грамоталар һәм медальләр тапшырылды. Чара һәркемнең дә күңеленә хуш килде.