1нче гимназиядә “Код сәгате” акциясе үтте. Чара Информатика көненә багышланып, укучыларның информатика һәм программалаштыру фәнен өйрәнүгә кызыксынуларын арттыруга юнәлдерелгән, шул исәптән, яшьләр күзлегеннән якын килеп , IT – белгечлекләрнең югары бәяләнүенә багышланган акция бу. “ Код сәгате”ндә катнашу – һәр укучыга үз сәләте турында сөйләү, киләчәген информатикага бәйле рәвештә күзаллау, үзен зур һәм әһәмиятле вакыйганың бер өлеше итеп хис итү һәм, ниһаять, бер сәгать вакыт аралыгында программалаштыруның нигезләрен гадәти, мавыктыргыч рәвештә үзләштерү, әлеге фәннең кул җитмәслек түгел икәнлеген исбатлап күрсәтү өчен менә дигән мөмкинлек.