Буген яшүсмер яшьтәге мәктәп укучылары үзләрен борчыган сорауларны 8-800-2000-122 телефоны аша җиткерә ала . Билгеле булганча, яшүсмерләр кайчагында әти-әниләре, яшьтәшләре , укытучылары белән уртак тел таба алмыйча, килеп туган проблема алдында югалып кала. Проблема белән ялгыз калу очраклары еш кына балаларны кискен фаҗигаләргә этәрә. Серләреңне сөйләр дустың, яисә якын кешең булмаса, “ Ышаныч телефоны”на шалтырата аласың.

Безнең гимназиядә дә 14-20 сентябрь көннәрендә “Время доверять” исеме астында балаларның « Ышаныч телефоны”н презентацияләү, аларны әлеге телефонга психологик яктан хәзерләү дәресләре узды. Дәресләр мавыктыргыч уен рәвешендә дә, сыйныфтан тыш чаралар буларак та үтте. Кыскасы, дәресләр укучылар өчен дә, укытучылар һәм ата-аналар өчен дә файдалы булып, балаларда “Ышаныч телефоны”на тулысынча ышаныч тудыру максатыннан чыгып эшләнде. Гимназиядә бердәм гомумроссия номеры күрсәтелгән “ Кызыл тартма” да булдырылды.