Гимназиядә укучылар үзидарәсе актив эшләп килә. Укучылар кечкенәдән үк җәмәгать эшләрендә катнашырга, мөстәкыйль карарлар кабул итеп, аларны үзләре үк тормышка ашырырга, бердәмлеккә өйрәнеп үсәләр. Бүген, тәрбия буенча директор киңәшчесе Җәләева Г. А. катнашында, үзидарәнең беренче утырышы узды. Укучылар  яңа уку елына эш планы белән таныштылар, якынлашып килгән чараларга әзерлек турында сөйләштеләр. Шулай ук Россиядә балалар һәм яшьләр өчен оештырылган «Алдынгылар хәрәкәте»нең гимназиядә беренчел үзәген булдыру турында фикер алыштылар.