Бүген гимназиядә “Славян халыкларының туганлыгы” дип аталган батырлык дәресе үтте. Россия, Белоруссия – бу бөтенләй төрле илләр, халыклар һәм мәдәният дигән фикер яши. Тик әлеге илләр чикләр белән бүленсә дә, алар арасында элемтә күпкә ныклырак. Дәрес барышында укучылар, китерелгән мисаллар ярдәмендә, бу илләрнең мәдәниятләре охшаш икәнлегенә инандылар. Алар төрле биремнәр үтәделәр, сорауларга җавап бирделәр һәм әлеге ил халыкларының мәдәниятендә, телендә, рәсем сәнгатендә, тарихында уртак якларын таба алдылар.