Апрель - Тукаебызны китергән мәрхәмәтле ай. Еллар, гасырлар уза тора. Кайбер данлыклы шәхесләр онытылалар. Ә менә Тукаебыз халык хәтерендә һаман саклана, күңелдән бер минутка да китми, әйтерсең лә сихри алмаз бөтен җиһанга нур сибә. Тукай иҗатын кызыксынып өйрәнүчеләр һәм бәйгедә катнашучылар саны да елдан-ел арта. Тукайга булган мәхәббәт сүнми дә, сүрелми дә. Аның иҗаты һаман да дулкынландыра, уйландыра, дәрт бирә, яшәүгә ямь, күңелгә рухи азык өсти.
23 нче апрель көнне Тукай музеенда Г.Тукайның туган көненә багышланган яшь шагыйрь һәм шигырь сөйләүчеләрнең шәһәр бәйгесе үткәрелде. «Шигъри сүз» бәйгесендә гимназиянең 5а сыйныфы укучысы Хаҗиева Чулпан, үзенең язган шигыре белән чыгыш ясап, “Һәвәскәр язучы” номинациясендә I дәрәҗәдәге диплом белән бүләкләнде.
Гимназиянең 5 сыйныф укучылары иҗат төркеме Г.Тукайның вафатына 100 ел тулуга багышланган “Илебездә, телебездә, күңелебездә Тукай мәңгелек” дип исемләнгән шәһәр бәйгесендә катнашып сертификат белән бүләкләнде. Афәрин!!! Котлыйбыз!!!