Бүген – бөек шагыйребез Габдулла Тукайның туган көне, Туган тел көне. Татар шигъриятендә Габдулла Тукай – иң якты йолдыз. Ул калдырган иҗат мирасы һәм рухи яктылык – безнең горурлыгыбыз. Аның исеме татар мәдәниятенең үткәне, бүгенгесе һәм киләчәге белән мәңгегә бәйле. Тукай үз милләтенең киләчәге, теле, мәгърифәте, сәяси үсеше өчен җан атып яшәгән.
Үзизоляциядә дә безнең укучыларыбыз әлеге көнне билгеләп үтәләр. Алар социаль челтәрләрдәге “Минем Тукай”, “Туган тел” флешмобларында катнашалар. Шулай ук бездә бу көнгә багышланган рәсем конкурсы да үтә. Балалар бөек шагыйребезнең иҗатын яратып үзләштерәләр, алар – безнең телебезнең, илебезнең киләчәге.Тел яшәсә – ил яшәр, диләр. Яшә, туган телебез!