Гимназиябез укучылары читтән торып укуларын дәвам итәләр. Дәресләрне укыту өчен барлык шартлар да тудырылган. Аларга укытучылар бик ныклап әзерләнәләр, ә укучыларның мөстәкыйль эшләре исә укытучылар тарафыннан һәрчак бәяләнә. Балалар да дистанцион дәресләрне бик яраттылар. Дистанцион дәресләр ата-аналарның бик зур ярдәме, күзәтүләре аша үтә. Алар балаларына ярдәм дә итәләр, шул ук вакытта дәресләр барышын да тикшерәләр . Хәзерге вакытта укучылар, укытучылар һәм ата-аналар дистанцион укуга шулай җаваплы карый. Мәсәлән, 3 “Б” сыйныфы укучылары да әти-әниләре белән берлектә бик матур иҗади кул эшләре ясаганнар. Дәресләр мәктәптә генә түгел, өйдә дә кызыклы үтә балаларның.