Бүген, 14 нче май көнне, 1 нче сыйныфларда, игелек ае кысаларында Игелек дәресләре узды. Әлеге чара укучыларны төрле игелекле эшләргә тарту, күңелләренә изгелек орлыклары салу өчен оештырыла. Укучылар кешеләргә яхшылык эшләү, бер-береңә мәрхәмәтле булу, өлкәннәрне хөрмәт итү турында фикер алыштылар. Шулай ук презентациядәге рәсемнәргә карап, үз фикерләрен җиткерделәр. Үзләре эшләгән яхшы эшләрне, гамәлләрне искә төшерделәр. Дәрес ахырында “Каково это быть вежливым?” мультфильмын карадылар. Нәни укучыларга игелек дәресе бик ошады.