15нче июнь көнне гимназиядә " Татар теле һәм әдәбияты дәресләрендә кулланылган педагогик технологияләр" дип исемләнгән СЕМИНАР узды. Семинарны оештыруда КФУның Л.Толстой исемендәге филология һәм мәдәниятара багланышлар институты, Идел буе төбәкара мәгариф хезмәткәрләре белемен күтәрү һәм яңадан әзерләү үзәге, Башкарма комитеты Мәгариф идарәсенең Вахитов һәм Идел буе мәгариф бүлеге һәм Г. Тукай исемендәге 1нче татар гимназиясе көч куйды. Семинарның программасы гимназия идарәсе тарафыннан җентекләп төзелде һәм семинарда катнашучыларга таратылды. Гимназия идарәсе эшлекле әңгәмәдә Openmeeting программасын кулланып гимназиянең бердәм мәгълүмати белем бирү мәйданын булдыруы хакында сөйләде. “Гимназиядә проектлар эшчәнлеген оештыру” мәүзугына шактый гына фәнни эшләр күрсәтелде. Семинар “Яңа бистәдә Тукай эзләре”, “Талкыш кәләвә - татар халкының милли ризыгы” дип исемләнгән фәнни эш өземтәләреннән чыгышлар, видеосюжетлар белән бергә чиратлашып барды. Әлеге чыгышлар семинар программасының да бер өлеше булды. “Эксперименталь эшчәнлек” кә багышланган аерым тема да, үз чиратында, игътибарга алынды. Нәтиҗәдә, гимназия эшчәнлеге хакында, гимназиянең бердәм мәгариф-мәгълүмати системасын булдыруы, электрон документлар эшчәнлеге һ.б. хакында бик күп сүзләр сөйләнде. Семинар ахырында филология фәннәре кандидаты, Г. Тукай исемендәге татаристика һәм тюркология югары мәктәбе доценты М. М. Шәкүрова катнашында әңгәмә оешты. Ике як өчен дә бик файдалы булган эшлекле очрашу әнә шундый рухта узды.