Халык мәкалендә әйтелгәнчә, акыл – казна, күңел – йозак, тел – ачкыч. Бу ачкыч безгә башкалар күңелен аңларга, акылыбызның камиллеген, уй-фикерләребезнең ни дәрәҗәдә югары булуын күрсәтергә ярдәм итә. “Халыкның теле – аның бөтен рухи тормышының иң яхшы, беркайчан да шиңми, мәңге яшәреп тора торган иң матур чәчәге. Телдә... аның Ватаны җанлы рәвештә гәүдәләнә”, – дип язган К.Д. Ушинский. Рәсәй күләмендә һәм республикабызда игълан ителгән Экология елына һәм КФУда Лобачевский елына багышланган “Фән сукмагы – 2017: Табигать. Кеше. Акыл” дип аталган укучыларның шәһәр күләмендә быел XII тапкыр үткәрелүче фәнни-гамәли конференциясендә чыгыш ясап, “ Тел культурасы һәм күңел гармониясе проблемасын яктыртуга багышланган иң яхшы доклад” номинациясендә III урын алган 9 Б сыйныфы укучысы З. Зиятдинованы чираттагы уңышы белән котлыйбыз! Рус теле укытучысы О. В. Терентьевага сәләтле балалар белән эшләүгә керткән өлеше өчен рәхмәтебезне җиткерәбез.