Атнаның һәр пәнҗешәмбесе бездә “музей көне” буларак билгеләнә. Менә бүген дә барлык беренче сыйныф укучылары , дәресләре тәмамлангач, сыйныф җитәкчеләре белән берлектә, Каюм бабай музеена юл тотты. Мәшһүр "Әбүгалисина","Кырык вәзир кыйссасы", "Ән-мүзәҗ","Фәвакиһел җөласа фил-әдәбият" һәм күп кенә сүзлекләр авторы буларак билгеле булган күренекле язучы-галим һәм татар халкының мәгърифәтчесе Каюм Насыйри музеена сәяхәт “Каюм бабайда кунакта” исеме астында бүгенге беренчеләр күңелендә әле озак еллар сакланыр.