«Китап — бакча, андагы язулар — шул бакчаның гөлләре», — ди К. Насыйри. Кем укымый, шул бернәрсә турында да уйламый. Белем алуның иң яхшы юлы — уку. Тиеннәрдән сумнар җыелгандай, укылган бөртекләрдән белем туплана. Китап битләре, керфекләр кебек, күзне ачалар. Балаларда китапка , китап укуга мәхәббәт уяту, шул хисаптан, гимназия китапханәсе фондын фәнни-популяр, белешмә һәм матур әдәбият белән баету максатыннан, гимназиядә “Китапка гомер бүләк ит” акциясе дәвам итә. Акциядә әлегә 4 сыйныф актив катнаша. Алар арасында 40 китап тапшырып , 6 Б сыйныфы лидерлык итә. Афәрин! Сыйныфлар! Калышмагыз! Акциядә катнашып калырга ашыгыгыз.