Бүген 29 сентябрьдә К.Тинчурин исемендәге Татар дәүләт драма һәм комедия театрында Казанның 1нче гимназия укучылары кунак булды. Балалар «Әкият китабы» спектаклен тамаша кылды. Мавыктыргыч маҗараларга, юморга, могҗиза-тылсымнарга бай әлеге әкият аларга бик ошады. Спектакль төгәлләнгәннән соң, балалар әкият геройлары белән фотога төшәргә дә өлгерде. Укучылар үзләре белән «Мәдәни көндәлек»ләрен дә алып килгәннәр иде. Кече яшьтәге укучыларны китапханә, театр, музейларга “алып килгән” бу проект — республикабызның уникаль табышы. “Укучының мәдәни көндәлеге” ике ел эчендә шактый популярлык казанды. Башта беренче сыйныф укучыларын гына мәдәният оешмалары белән таныштыруга юнәлтелгән проект былтыр барлык башлангыч сыйныфларны колачлады. Быел исә проект 160 мең Татарстан укучысын берләштерер дип көтелә ( сылтама: http://tinchurinteatr.ru/?p=8876 )