“Милләтләр кроссы” – Россия территориясендә үткәрелә торган спорт төрләре буенча иң масштаблы спорт чарасы. Россиякүләм йөгереш көненә багышлап, ел саен уза торган әлеге чара кечкенә баладан башлап, олысын-кечесен, картын-яшен үзенә туплаган массакүләм йөгереш кенә булып калмыйча, шәһәр тормышында социаль яктан әһәмиятле чара да булып тора. 24нче сентябрь көнне әлеге чарада гимназиядән 30 укучы катнашты. 5 км.га куелган норма буенча 10нчы сыйныф укучылары тулысынча (малайлар+кызлар), ә 8 А сыйныфыннан кызлар командасы ярышта үз көчләрен сынады. Массакүләм йөгереш кояшлы шимбә иртәсендә сәг.10.00 да башланып, Казанның үзәк стадионында старт алды.