Июнь - төп һәм урта мәктәпләр чыгарылышлары өчен киеренке вакыт. Имтиханнар укуның тәмамлауын белгертүче соңгы аккорд булып тора. 9нчы сыйныфлар төп дәүләт имтиханнарын тапшыруларын дәвам итә. 3нче июнь көнне гимназиядә №12, №13, №51, №41 мәктәпләре, Лобачевский исемендәге һәм 5нче лицейлардан 9нчы сыйныф укучылары килеп, рус теленнән чираттагы имтиханнарын тапшырды. Катгыйлык бердәм дәүләт имтиханнарындагы кебек –ППЭ урыны онлайн режимында видеокүзәтү системасы һәм металл эзләгечләр белән җиһазландырылды. Имтихан вакытында укучыларга бер-берсе белән сөйләшү-аралашу, аудитория һәм имтихан үткәрү пункты буйлап рөхсәтсез йөрү тыела. Шулай ук кесә телефоннары, электрон-исәпләү техникасы, фото-аудио-видео аппаратура, белешмә материаллар, язмалар һәм мәгълүмат саклаучы һәм йөртүче башка чаралар алып керергә ярамый. Болары – күптәнге һәм барлык имтиханнарга да кагылучы кагыйдәләр. Рус теле буенча кулланырга яраклы әсбаплар исемлеген тәкъдим ителгән орфографик сүзлек тәшкил итә. Фәннәргә килгәндә, тугызынчылар математикадан һәм рус теленнән булган мәҗбүри имтиханнарыннан “котылдылар”инде. Алдагы имтиханнар укучылар үзләре сайлаган фәннәрдән булачак Имтихан үтәчәк көннәр дә күптән билгеле. Чираттагысы – 9 июнь.