Шәһәр Башкарма комитеты боерыгы нигезендә, гимназия янын төзекләндерү эшләре башланды. Яз-көз айларында - мини-стадион, кыш айларында шугалак ролен үтәгән иске спорт мәйданчыгы сүтелеп, аның урынына заманча шартларга яраклаштырылган мини футбол кыры һәм тренажер мәйданчыгы төзү планлаштырыла. Шул нисбәттән, гимназия тирәсендә урак өсте башланды, дисәк тә ялгыш булмас. Көннең кызулыгына, эшнең тыгызлыгына карамастан, балаларны спортка кызыксындыруда тагын бер стимул булырдай корылманың “нигез ташлары” инде салынды да дияргә мөмкин. Ниятләгән эшнең ахыры хәерле булсын!