Бүген 4нче сыйныфы укучылары француз язучысы Шарль Перроның иң атаклы әсәрләреннән берсе булган “Золушка” (“Көлкәй”) әкиятен инглиз телендә сәхнәләштереп күрсәтте. Балачактан яратып каралган әлеге әкиятне хәзер кайсы жанрларда гына күрмисең дә, нинди генә телләрдә ишетмисең! “Көлкәй”, “Көлбикә”, “ Көлгенә”, “Көлсылу” исемнәре белән бирелгән тәрҗемәләрендә “Золушка”ны рәхәтләнеп туган телебездә дә карарга мөмкин. Ә бүген исә сөйкемле Көлкәебез инглиз телендә сөйләште. Cinderella да, нәкъ Золушка һәм Көлкәй кебек , балаларга бик якын булуы ачыкланды. Шулай булмый ни дисең , гимназиябездә кытай теленең укытылуын да исәпкә алганда, озакламый тырыш Cinderella кытайча да өйрәнер әле!