25 апрель көнне гимназиядә экологик атналык старт алды. 3 “В” сыйныфы ( сыйныф җитәкчесе – А. Е. Харитонова) гимназиянең актлар залында “Җир көне”нә багышланган бәйрәм кичәсе уздырды. Җир - искиткеч гүзәл планета. Тик аның матурлыгына бүген куркыныч яный.Кешеләр океан, урман, елга-күл байлыкларын әрәм итәләр. Тирә-юньне пычраталар.Әгәр дә кешеләр Җирнең иминлеге турындакүбрәк уйласалар, алай ук куркыныч булмас иде. Без Җирне пычранудан сакларга тиешбез. Агач утыртып кына да, беренчедән, үзебезнең бурычыбызны үтәсәк, икенчедән, сулый торган һавабызны чистартуда үзебездән өлеш кертеп, җир шарыбызны яшелләндерүдә катнаша алабыз, чөнки һәр утыртылган агач - планетабызны һәлакәттән коткаруда бер адым. Тәрбияви рухта узган кичәнең кызыл җеп булып сузылган төп мәгънәви асылы да нәкъ менә шунда иде. Кичәдә катнашкан укучылар өчен дә, тамашачылар өчен дә мәгълүмат бердәй файдалы булыр, дигән өметтә каласы килә.