Быел дүртенче тапкыр «Илһам» бөтенроссия яшь язучылар, шагыйрьләр, драматурглар бәйгесе үткәрелде. Бәйгене Татарстан Республикасы мәгариф һәм фән министрлыгы Татарстан Республикасы язучылар берлеге, Казан (Идел буе) федераль университеты белән берлектә үткәрә. Быел Татарстанда һәм Россиянең төрле төбәкләрендә яшәүче яшь иҗат көчләре «Илһам» бәйгесенә 2800 эш тәкъдим иткән. Шуларның өч йөзе – җиңүчеләр һәм лауреатлар – 12 апрель көнне Пирамида мәдәни күңел ачу комплексында уздырылган бәйрәмдә катнашты. Алар арасында безнең гимназиянең 3 укучысы да бар иде. 3 “Б” сыйныфы укучылары Балкаева Ә., Әхәтова А., Миңнегарипов Д. шигырьләре “Илһам” дип исемләнгән зур җыентыкка кертелде. Әхәтова  А., Миңнегарипов Д. «Илһам» бөтенроссия яшь язучылар бәйгесенең “Өметле киләчәк” бәйгесендә җиңү яулады. Без яшь шагыйрьләребез белән горурланабыз, аларга иҗади уңышлар телибез. Укучыларыбызны иҗатка илһамландыручы мөгаллимнәребезгә рәхмәт белдерәбез.