Казанда укучыларның Т. Миңнуллин исемендәге III республика фәнни-гамәли конференциясе булып узды. Конференция быел татар халкының бөек шагыйре Габдулла Тукайның тууына – 130 ел, татар театрына нигез салынуга – 110 ел, каһарман шагыйрь, Советлар Союзы Герое Муса Җәлилнең тууына – 110 ел тулуга багышланды. Конференция 4 номинация буенча эшләде:1. Журналистика. “Кызыл тышлы дәфтәрдән” 2. Драматургия. “Театр яктылыкка, нурга илтә!..” 3. Фәнни эшләр. “Үзем сайлаган язмыш” 4. “Утырып уйлар уйладым”.

Гимназия укытучылары һәм укучылары тарафыннан күбрәк драматургиягә басым ясалды. Гимназиянең 8нче, 10нчы сыйныф укучылары татар теле һәм әдәбияты укытучысы Э. Р. Хөснетдинова, хореграфия укытучысы К. А. Жеранина һәм җыр укытучысы Ф.Ш. Мостафина җитәкчелегендә Ш. Камалның “Акчарлаклар” әсәрен сәхнәләштерергә булды. Конференциянең нәтиҗәләре дә озак көттермәде һәм менә алар – 1нче урында! Котлыйбыз!