29 нчы февральдә башлангыч сыйныф укучылары арасында гимназия беренчелегенә чаңгы ярышы булып узды. Ярыш 2 төрдән чыгып бәяләнде:
1) Командалар беренчелеге;
2) Шәхси беренчелек.
Шәхси беренчелек үзе 2 төрдән гыйбарәт булды: кызлар – үзара, малайлар – үзара көч сынашты. Командалар ярышында 3 урынны 4 команда уртаклашты. Шулай итеп, нәтиҗәләр буенча, 4А командасы – 1нче урынга , 2 А – 2 нче урынга , 2Б һәм 4Б командалары – 3нче урынга бергә узды.
Шәхси беренчелек арасында да 3нче урынны 2Б сыйныфы укучысы И. Садиков һәм 3 В сыйныфы укучысы Т. Мөхәммәтшин үзара бүлеште. 3 А сыйныфы укучысы Г. Кудреватых 2нче урынга лаек дип табылса, 2 А сыйныфы укучысы Д. Зудин 1нче урынны яулады.
Кызлар да малайлардан калышмады, тик кызлар арасында “урыннар уртаклашучылар” булмады. Бәхәссез рәвештә беренчелекне 4 А сыйныфы укeчысы Д. Шадалиева яулады. Аның артыннан 2 А сыйныфы укучысы С. Васильева килеп туктады, 4 Б сыйныфы укучысы Л.Мөхәммәтгалиева да бик азга гына көндәшләреннән калышып, 3нче урын өчен тырышты.
Шулай итеп, башлангыч сыйныфлар арасында чаңгыда шуу буенча гимназия беренчелегенә узган ярышта 4 А командасы – беренче! Шәхси ярышларда беренчелекне алган Д. Зудин һәм Д. Шадалиевалар да үзләрен чын чаңгычылар буларак исбатлады!