Муса Җәлилнең 130 еллыгы уңаеннан гимназиядә шагыйрьне искә алу кичәләре дәвам итә. Бүген актлар залында шундый кичәләрнең чираттагысы булып узды. 4 А сыйныф укучылары, сыйныф җитәкчеләре Фәридә Фәимовна җитәкчелегендә , герой-шагыйрь Муса Җәлилнең тууына 130 ел тулу уңаеннан әдәби – музыкаль кичә әзерләп, гимназия укучыларына һәм шагыйрь иҗаты белән кызыксынучыларга тәкъдим итте. Кичә 13 чыгыштан гыйбарәт булып, Муса Җәлил иҗатын яттан уку җыр –биюләр белән бергә үрелеп барды. Сыйныф шагыйрьнең иң атаклы “Кызыл ромашка”сын сәхнәләштереп күрсәтте. Шулай ук “Суык бабай”, “ Карак песи”, “ Бакчачы”, “Бүреләр”, “ Җырларым” шигырьләре яттан укылып, шагыйрь сүзләренә иҗат ителгән “Сәгать” һәм “ Чишмә” җырлары да тыңланды. Татар фольклор уеннары да читтә калмыйча, “Чума үрдәк, чума каз...” җырлы-биюле уены 4нче сыйныфлар тарафыннан уңышлы башкарылып, гореф-гадәтләрне яңарту, асылыбызга кайту буларак та яңгырады