Буген ”Китапханәдә иртәнге аш” проекты кысаларында бөек шагыйрь Г.Тукайның 135 юбилее билгеләп үтелде. ​8А сыйныф укучылары,милли эшләр буенча директор урынбасары Яруллина А.Н.,туган татар теле укытучысы Садыйкова С.М., китапханә мөдире Мукминова Г.Т. белән берлектә, виртуаль сәяхәткә юл тоттылар. ​Юл башы шагыйрьнең киң даирәгә артык таныш булмаган тормыш һәм иҗаты белән бәйле фактларны бәян итү белән башланды.Сәяхәт шагыйрь,публицист ,прозаик Г.Тукай эзләре сакланган,аның белән бәйле хатирәләрне яктырткан Казаныбыз урамнары,скверлар,тарихи биналар, истәлекле урыннар аша дәвам итте. ​Яңа буын сәнгать эшлеклеләре хәзерге көндә дә матур эчтәлекле әсәрләр иҗат итәләр.Казан дәүләт мәдәният һәм сәнгать университеты доценты,ТР ның атказанган артисты,халыкара конкурслар лауреаты Кустяева А.Р. үзенең эчтәлекле чыгышында “Шагыйрьнең мәхәббәте” операсында кечкенә Апуш образының туу тарихы турында бик кызыклы итеп сөйләде. ​Очрашу кичәсе Г.Тукайның “Туган тел” җырын күмәк башкару белән тәмамланды.