Шигырь бәйгесе 12 нче февральдә өстәмә белем бирү үзәге базасында Ленинград блокадасын өзүгә 75 ел тулуга багышланган укучыларның «Бөек батырлык тавышы» муниципаль шигырь конкурсы узды. Конкурста безнең районның 11 гомуми белем бирү мәктәбеннән 85 укучы катнашты. Безнең мәктәптән: Байгазина Алинә (1 кл.), Закиров Тимур (4 кл.), Җиһаншин Фәнил (5кл.), Гаделшина Зәринә (9 кл.) һәм Арсланова Фәридә (11кл.) катнашты. Яшь шигырь укучылар үзләренең артистлык сәләтләрен генә түгел, ә Бөек Ватан сугышы кешеләргә кайгы алып килүен тирән аңлау сәләтен дә күрсәттеләр. Иң яхшыларны сайлап алу җиңел булмаса да, безнең мәктәп укучылары Алинә Байгазина һәм Зәринә Гаделшина беренче урынга, Фәнил Җиһаншин өченче урынга лаек булды. Чара эмоциональ, дулкынландыргыч һәм онытылмаслык узды. Афәрин, безнең укучылар!