Югары Ослан районының педагог – оештыручылары cеминары

30 нчы гыйнвар көнне Матюшино урта мәктәбендә Югары Ослан районының педагог – оештыручылары семинары булып узды. Анда 12 укытучы катнашты.

Семинар "Балалар җәмәгать оешмасы эшчәнлеген оештыруда инновацион һәм традицион алымнарны куллану" дигән темага багышланды. Семинарда катнашучылар өчен Шәрәфиева Римма Әнвәр кызы мәктәп буенча экскурсия үткәрде, укучыларның проект эшчәнлеге белән таныштырды. "Иҗади төркемнәр берләшмәсенең эш юнәлеше" презентациясен  педагог – оештыручы Садеева Лилия Әмир кызы тәкъдим итте. Отрядның әйдәп баручылары Арсланова Ф., Токарева Л. башлангыч сыйныф укучылары белән  "Экологик ромашка" уены үткәрделәр. Шефлык төркеме командиры Гүзәлбаев Айрат семинарда катнашучылар белән "KAHOOT программасында online-уеннар” дигән темага мастер – класс һәм Оnline – викторина үткәрде .

Укытучылар "Яшь җилләр" мәктәп агитбригадасының  "Эх, юллар" дигән чыгышын зур кызыксыну белән карадылар. Барлык катнашучылар да мәктәпнең педагогик коллективының һәм укучыларның иҗади эшләвен билгеләп үттеләр.

Түгәрәк өстәл барышында Югары Ослан мәктәбенең педагог-оештыручысы Калмыкова Евгения Викторовна визитка – фильмнарны дөрес төзергә өйрәтте.  

Район мәгариф бүлеге  методисты  Биктаһирова Нәсимә Габидулловна,  укытучылар белән яңа тәрбияви технологияләр һәм аларның балалар иҗтимагый оешмалары эшендә кулланылуы турында сөйләшкәннән соң, семинар эшен төгәлләде. Семинарның оешкан төстә узуын, мәктәпнең балалар белән эшендә инновацион  алымнарны куллану буенча алдынгы эш тәҗрибәсен азсызыклап үтте. Мәктәп администрациясенә зур рәхмәтен белдерде.