26 апрельдә бакчада Тукай атналыгын йомгаклап, барлык төркем балалары белән “Габдулла Тукай – яраткан шагыйребез” дип исемләнгән бәйрәм үтте.

12 нче апрель космонавтика көне уңаеннан, уртанчы һәм зурлар катнаш төркем балалары белән “Яшь космонавтлар” дип аталган физикял сәгате үтте.

14 апрельдә иртән ТНВ-планета телевизион каналының “Манзара” тапшыруында Ямаширмә авылы “Йолдыз” балалар бакчасының эшчәнлеге, нәниләрнең биредә милли-мәдәни рухта тәрбияләнүе турында репортаж күрсәтелде. Тапшыруның язмасын медиатека бүлегенең видеотека битеннән карый аласыз

Ямаширмә авылы мәдәният йорты 13 апрель көнне "Ак калфак" иҗтимагый оешмасының 5-нче бөтендөнья хатын - кызлар конгрессы делегациясен кабул итте. Делегация составында дөньяның төрле почмагыннан 100 гә якын кеше бар иде. Ямаширмә “Йолдыз”  балалар бакчасының күргәзмәсен карадылар.

Бу семинарда районның  һәм Арча районының 8 нче номерлы балалар бакчалары   тәрбиячеләре катнашты.Бу очрашу  күп кенә сорауларга ачыклык кертергә ярдәм итте дип белдерде педагоглар.

31 нче март көнне безнең балалар бакчасында “Кошлар көне”нә   багышланган физик ял сәгате булып узды

Беркайчан да китапның

Үткән юлын онытма

 Рәнҗетмә син китапны

 Аның битләрен ертма!

2 нче апрель – Халыкара балалар китабы көне уңаеннан зурлар катнаш төркем балалары Ямаширмә мәдәнияты йортында урнашкан китапханәгә экскурсияга барды.

Бүген балалар бакчасында  традицион кыйммәтләр белән кызыксындыруны тагын да камилләштерү, туган телгә мәхәббәтне фольклор, тарихи ядкарьләр, этник сәнгать аша үстерү максатында педагог, музыкант, фольклорчы  Шигапов Солтан Фидаис улы белән очрашу узды. Солтан Фидаис улы Шиһапов үзенең "Халык көййләрендә халыкның язмышы чагыла” (“Народная музыка как зеркало отражения судьбы народов”)” программасы белән балалар күңелендә онытылмас эз калдырды.

Биектау Мәдәният йортында уздырылган "Кораблик детства" фестиваленең гала-концертында безнең бакчадан зурлар катнаш  төркеме балалары феерлар белән бию башкарып, район балалар бакчалары бию коллективлары арасында икенче урын алдылар. Музыка җитәкчесе Лилия Альберт кызына сәламәтлек, иҗат уңышлары теләп калабыз. Балаларга һәм музыка җитәкчесенә рәхмәтебезне белдерәбез.

Куанычларым, шатлыгым булып,

Балам – багалмам, үсәсеңме син?

Сагынып җырлар җырыма минем,

Күземнең нуры, күчәрсеңме син?

Бәхет гөлемнең чәчәге булып,

Былбыл кошкаем, яшәрсеңме син?

Әнием диеп, кадерлем диеп,

Сандугачкаем, дәшәрсеңме син?

Туфан Миңнуллин шигыре, Рәшит Абдуллин көе