Бүген, яз аеның матур бер көнендә, мәктәбебездә җылы очрашу, шигырь бәйрәме үткәрелде. Бәйрәмебезгә кунак булып якташ шагыйребез Рафис Корбан кайтты. "Туган ягым дәшеп кайтара ..." дип аталган кичә шагыйрь турында җылы сүзләр, укучылар башкаруында якташыбызның җыр-шигырьләрен тыңлау, укучыларны кызыксындырган сораулар, шагыйрь белән балалар арасында җанлы әңгәмә рәвешендә оештырылды. Киләчәктә дә очрашулар насыйп булсын, иҗатыгызда тагын да югары уңышлар сезгә, хөрмәтле якташыбыз!