18нче январь көнне Иске Җөри урта гомумбелем бирү мәктәбендә “Ватанны саклаучылар – ил данын яклаучылар!” дип исемләнгән  чара үткәрелде.       Ул, Бөек Җиңүнең 80 еллыгын билгеләп үтү кысаларында, безнең алда торган бурычларның әһәмиятен  исәпкә алып, 2025 нче елны  Республикада “Ватанны саклаучылар елы ” дип игълан ителүе уңаеннан  оештырылды.   Чарада мөхтәрәм кунаклар: Ватанны саклауда үз өлешләрен керткән, ил алдындагы бурычларын намус белән үтәгән, сугыштан соңгы еллардагы авырлыкларны үз җилкәләрендә татыган ветеран укытучы Илгиз абый Галиуллин, Энҗе апа, мәктәптә күп еллар ОБЖ фәнен укыткан, укучылар күңелендә үз Ватаннарына мәхәббәт тәрбияләгән, бүгенге көндә лаеклы ялда булган укытучы Рафик абый  Сахаповлар катнашты. Аларның чыгышларын  тыңлап  укучылар  үзләренә бик күп мәгълүмат тупладылар. Чарада   патриотик теманы чагылдырган шигырьләр, җырлар, биюләр  башкарылды.