Безнең борынгы бабаларыбыз күптөрле кәсеп-шөгыль белгән. Келәм туку,алтын –көмеш укалы түбәтәй,камзул,төсле җепләр белән  сөлге,ашъяулык,япма,пәрдә,алка,чулпы хәситә, йөзек кебек әйберләр эшләү-халкыбызның гүзәл казанышы. Хәзер халыкның күптөрле борынгы традицион һөнәрләрен белүчеләр елдан – ел кими,ә яшьләргә әлеге эш төрләрен өйрәтү җайга салынмаган. Милли тәрбия бирү һәм милли үзаң формалаштыру максатыннан  Иске Җөри сәламәтләндерү лагерында 16 июнь көнне  “Милли бизәк тәрбиясе “дигән сөйләшү үтте һәм укучылар үзләре футболкага  милли бизәк төшерделәр. Милли бизәкләр белән таныштырганда,милли кием,милли йола,милли горурлык кебек төшенчәләр турында мәгълүмат биреп барылганда,укучыларда туган телне,халыкны,илне ярату хисе күпкә арта.