14 сентябрь  көнне Иске Җөри урта мәктәбендә башлангыч сыйныф укучылары өчен “Мәдәниятле халык – бай халык” темасы астында Мәдәният дәресе үткәрелде һәм укучыларга “Мәдәни көндәлек” тапшыру тантанасы булды. Дәрестә, көндәлекнең эчтәлегенә туры китереп,  сыйныф җитәкчеләре укучыларга авылыбызның, районыбызның, республикабызның милли традицияләре, гореф - гадәтләре, тарихи-истәлекле урыннары турында сөйләделәр. Әлеге көндәлекнең ни өчен кирәк икәнен, аны тутыру тәртибен, көндәлекне саклап тотуның мөһимлеген аңлаттылар. Авыл китапханәчесе Рузалия Гыйльметдинова “Татарстаныбыз буйлап мәдәни сәяхәт”, “Китап-белем чишмәсе” темалары  астында оештырылган китап күргәзмәләренә күзәтү ясады. Чыгышлар  укучыларның матур җырлары һәм шигырьләре белән үрелеп барды.   Мәдәни көндәлек укучыларга рухи байлыкларыбыз белән якыннанрак танышырга  ярдәм итәр дип ышанып калабыз.