Бүген беренче октябрь - Өлкәннәр көне! Безнең өчен кадерле  өлкән буын кешеләре: әбиләребез, апаларыбыз, бабайларыбыз, өлкәннәр!!! Сез эшләп яки лаеклы ялда булып, безгә тормыш, игелеклелек һәм гаделлек дәресләре бирәсез, эшләребез һәм кылган гамәлләребез өчен җаваплылык тоярга өйрәтәсез. Без сезнең белән горурланабыз, сез хәзер дә саклап калган батырлыгыгыз һәм чыдамлылыгыгыз алдында баш иябез.  Бетмәс-төкенмәс җылылык Сездә. Кулларыгыздагы җылылыкны да сизәсебез килә. Кочагыгызда иркәләнәсебез, башыбыздан, иңнәребездән сыйпаганыгызны тоясыбыз килә. Никадәр олуглык, никадәр сабырлык Сездә. Дистә еллар буена җыйналып килгән ул. Тормыштагы үз җиңүләрегез,үз хаталарыгыз бәрәбәренә тупланган. Сезнең белән, дөньядагы бар нәрсә турында да сөйләшергә була.Тыңлый, аңлый һәм гафу итә беләсез. Бетмәс-төкәнмәс сабырлык сездә. Ышана беләсез Сез, көтә беләсез. Сезгә чын күңелдән озак елларга нык сәламәтлек, күңел тынычлыгы, тормышка кызыксынуыгызның кимемәвен, якыннарыгызның һәм туганнарыгызның яратуын һәм хөрмәт итүен телибез!