Теләче 3нче номерлы балалар бакчасында  кечкенәләр төркеме балалары белән (тәрбиячеләре Хабирова Ф.Ф.) “Йомры икмәк”рус халык әкияте буенча юл йөрү кагыйдәләре турында белемнәрен күрсәттеләр.

 Бүген безнең балалар бакчасында Г. Тукайның туган көненә багышланган искиткеч, эчтәлекле әдәби кичә узды, аны тәрбиячеләр Минһаҗева Г. Р., Шакирова Г. И., Ибраһимова А. Р. һәм музыка җитәкчесе Сафина Р. К. җитәкчелегендәге зурлар төркем тәрбияләнүчеләре әзерләде.

Теләче 3нче номерлы балалар бакчасы базасында «Балалар бакчасының иң яхшы пешекчесе»дигән искиткеч һәм тәмле бәйге узды. Безнең пешекче Сайфуллина Л. М. мактаулы 1 урынны алды, котлыйбыз!!!

Бүгенге балалардан грамоталы һәм дисциплиналы юл хәрәкәтендә катнашучылар үсеп чыксын дисәң, юлда дөрес тәртипкә өйрәтү балачактан ук кирәк. Велосипедта һәм роликларда йөрү өчен, светофор сигналлары нәрсәне аңлата, юлларда үзеңне ничек дөрес тотарга?  Бу хакта безнең тәрбияләнүчеләргә ЮХИДИнең яшь ярдәмчеләре – Теләче урта гомуми белем бирү мәктәбенең ЮИД отряды искә төшерде, алар безгә балалар бакчасына остазы Р. Р. Гатиятов белән кунакка килделәр.

17 апрельдән 10 майга кадәр Татарстан Республикасында махсус янгынга каршы режим кертелә! Режим гамәлдә булган чорда учак ягу һәм чүп яндыру катгый тыела!

14 апрель көнне Иске   Җөри  урта мәктәбе базасында «World Skills  Tuliachi-2023» ярышлары үтте. Безнең балалар бакчасыннан "Пешекче эше - ресторан сервисы" компетенциясендә зурлар төркеме тәрбияләнүчеләре Галләмова З. С., Фәтхуллина С. А. (тәрбиячесе Биккинина Р. Р.), мәктәпкә әзерлек төркеменнән Шәймәрданова А. А., Хафизов А. Ф. (укытучы-логопед Шәймәрданова М. Н., тәрбиячесе Хафизова А. Р.), “Декоратив-гамәли сәнгать» компетенциясендә Рудина Е. А. (тәрбиячесе Ибраһимова А. Р.) катнаштылар.Тәрбияләнүчеләр төрле тәмле ризыклар һәм аш-су эшендә белемнәре, шулай ук матур композицияләре белән сөендерделәр. Барлык катнашучылар грамоталар һәм истәлекле бүләкләр белән бүләкләнделәр!

Татар телендәге элмә такталарда һәм мәгълүмати табличкаларда хаталарны ачыклауга җәлеп итү бәйгесенә барыбыз да кушыла ала. 1-нче сентябрьгә кадәр уза торган бәйге Татарстанның дәүләт хезмәтләре порталында теркәлгән һәр кешесе катнаша алачак.

Экологик  икеайлык кысаларында бүген Теләче 3нче номерлы  балалар бакчасы коллективы  өмәгә чыкты . Аның барышында балалар бакчасы педагоглары йөрү участокларын җыештырдылар.

12нче апрель көнне квалификация күтәрү курслары кысаларында безнең Теләче 3нче номерлы балалар бакчасы базасында, районның мәктәпкәчә белем бирү учреждениеләре тәрбиячеләре өчен “Балалар бакчасы педагогларының эмоциональ януын профилактикалау"  дигән темасына район күләм семинар булып узды.