15 нче август көнне балалар бакчасы  модире Хасаншина Фәридә Фәннуровна  Татарстан Республикасы  мәгариф   һэм фән хезмәткәрләренең “Заманча мәгариф: яна стратегик юнәлешләр – яңа карарлар” темасына багышланган республика август киңәшмәсендә катнашты. Август киңәшмәсе үз эшен берничә юнәлештә алып барды. 4 нче секция  “Татарстан Республикасында милли мәгариф  үсеше: стратегик юнәлешләрдән –конкрет нәтиҗәләргә” дигән темага тәҗрибә уртаклашты.  Секциядә катнашучылар  “Колобок”, ”Әкият”, ”Тургай” балалар бакчаларында булдылар.

Киңәшмә кысаларында конструктив дискуссияләр, педагогик уңышлар күргәзмәсе, мастер класслар оештырылды, 2014-2015 нче  уку елы нәтиҗәләре анализланды, татар милли мәгарифе өлкәсендә булган проблемалар тикшерелде, милли мәгарифне үстерү юнәлешләре билгеләнде.