27 – нче август көнне Телэче авылынын ял паркында “Республика көне” уңаеннан зур бәйрәм булып үтте. Бәйрәм төрле уеннар, бәйгеләр  белән үрелеп барылды. Бәйрәм кысаларында 5-7 яшьлек кызлар арсында “Без шушы яктан – шушы туфрактан!” дигән тема астында,  “Нәни чибәркәй-2016” – балалар бәйгесе уткәрелде. Бәйгедә безнең Теләче 2 нче номерлы балалар бакчасында зурлар төркемендә тәрбияләнүче 8 кыз катнашты. Бәйге 3 турда утте: 1-нче тур үзлэре белән таныштыру, 2-нче тур төрле иҗади осталыкларын күрсәтү, 3-нче тур  җиңүчене билгеләү – бүләкләү. Барлык бәйгедә катнашучы кызлар бик нык әзерлек белән килгәннәр иде: үзләрен һәр турда бик актив, төгәл, кыю тоттылар. Җырга - биюгә, нәфис сүздә осталыкларын күрсәттеләр. Бәйге бик җанлы, күңелле үтте, ахырдан иң дулкынландыргыч мизгел, буләкләу булды. Һәр катнашучыга - “Диплом”нар, һәм “Тюлячи 2016” истәлекле медальләре белән берлектә бүләкләр тапшырылды. Котлаулар, бергәләп фотога төшүләр белән бәйге тәмамланды.