Тормышта һәрчак батырлыкка урын бар, тик аңа юл үзеңдә бурычлылык хисе, сәяси өлгергәнлек, җаваплылык, әхлакый тотрыклылык тәрбияләү аша үтә. В. А. Сухомлинский “Батырлык һәм тәвәккәллек – ул әхлаклылык һәм ихтыяр көче, алар һәр кешегә билгеле бер очракта гына түгел, ә көндәлек  тормышта, эштә дә кирәк”, – дип язган. Батырлык, тәвәккәллек, намуслылык, гаделлек кебек сыйфатлар ялкаулык, тәртипсезлек, таркаулык, ялган белән көрәштә дә барлыкка килә. Кешенең героик характеры үзендәге начар сыйфатларны җиңүдән башлана. Батыр, тәвәккәл булырга, бернәрсәдән дә куркып калмаска кирәк. Кыюлык ул – үзе зур батырлык. Февраль патриотик чараларга бай. Мәктәптә  «Кайнар йөрәк» проектына багышланган батырлык дәресе буенча тәрбия сәгате үтте.

Буген мәктәптә “Әфганстан-йөрәк ярам” дигән темага класс сәгате узды. Укучылар белән очрашуга ветеран - әфганчы Җиһаншин Р. М. килгән иде. Ул укучыларга үзенең Әфганстан турында хәтирәләрен сөйләде, аларның сорауларына җаваплар бирде.

15 нче февраль - соңгы совет солдатының Әфганстан чигеннән атлап чыккан көн. 2017 елның 15 февралендә Әфганстан җирләреннән совет солдатлары чыгарылганга  28 ел. Шул уңайдан МБГБУ “Яңа Бүләк төп гомуми белем мәктәбен”дә. мәдәният йорты белән берлектә,  “Әфган җилләре” дигән сыйныфтан тыш чара үткәрелде. Чарада мәдәният йорты хезмәткәре Гыймазетдинова Д. Әфган сугышында катнашкан авылдашларыбыз турында сөйләде. Зур сугышлар бетә, ә тарих мәңгелек. Әфган сугышы да тарихыбызга кереп калды. Еллар үткән саен, йөрәкләребезне телгәләп, искә төшереп торачак авазлар калды: җан, тән яралары алып кайткан исәннәр, мәңгелек ятып калган солдатларның җырлары калды.

"Балкыш - 2017" старт алды. Укучыларыбызның чыгышы уңышлы булгандыр дип ышанып калабыз.

Бөтенроссия физкультура-спорт комплексының "Хезмәткә һәм оборонага әзер" (ГТО) кышкы фестивале үткәрелә. Үткәрү максаты булып гражданнарның системалы рәвештә физик культура һәм спорт белән шөгыльләнүе тора. Район күләмендә үткәрелгән фестивальдә безнең мәктәп укучылары да уңышлы чыгыш ясады.

5-9 нчы сыйныф укучылары өчен "Татарстан-2030: республика киләчәге өчен минем керткән өлешем" темасы буенча парламент дәресе уздырылды.

Республикада укучыларда актив гражданлык позициясе тәрбияләү, патриотизм формалаштыру, хокукый агарту, илнең дәүләт төзелеше турында укучыларның белемнәрен тирәнәйтү һәм аларның иҗади активлыгын үстерү максатларында парламент дәресләре үткәрелә. Бүген мәктәптә  "Татарстан-2030: республика киләчәге өчен минем керткән өлешем" темасы буенча башлангыч сыйныфларда парламент дәресе уздырылды.

Шушы көннәрдә Яңа Бүләк мәдәният йортында Назыйр һәм Дилбәр Гыймазетдиновларның мәдәни эшчәнлекләренең юбилей концерты булды. Безнең мәктәп бу концертта актив катнашты. Аларны бәйрәмнәре белән тагын бер кат тәбрик итәбез! 

Мәктәптә киләсе уку елына укырга керүчеләр белән шөгыльләнүләр бара.